USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Sükan arxasında yuxulayan sürücünün səbəb olduğu qəza iki nəfərin ölümü ilə nəticələndi
Goranboyda baş verən ağır yol-nəqliyyat hadisəsi iki nəfərin həyatına son qoyub.
Baş Dövlət Yol Polisi İdarəsinin məlumatına görə, sürücülərdən birinin idarə etdiyi avtomobil qarşı hərəkət zolağına çıxaraq digər nəqliyyat vasitəsi ilə toqquşub. Qəza nəticəsində qarşı tərəfin sürücüsü və avtomobildə olan sərnişin hadisə yerində ölüb.
İlkin ehtimallara əsasən, qəzanın sürücünün sükan arxasında yuxulaması səbəbindən baş verdiyi bildirilir. Faktla bağlı araşdırma aparılır.
Yol polisi sürücülərə müraciət edərək yorğun, yuxusuz və ya səhhətində problem olduğu halda sükan arxasına əyləşməməyə çağırıb. Qurum bu cür halların ağır nəticələrə səbəb olduğunu vurğulayaraq, hərəkət iştirakçılarını təhlükəsizlik qaydalarına ciddi əməl etməyə dəvət edib.
