USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Azərbaycandan Ermənistana növbəti dizel yanacağı partiyası göndərilir
Bu gün Azərbaycandan Ermənistana neft məhsullarının növbəti partiyasının ixracı həyata keçiriləcək.
Məlumata görə, Biləcəri dəmiryol stansiyasından Ermənistana ümumilikdə 17 vaqondan ibarət yük qatarı yola salınacaq. Qatarla 984 ton dizel yanacağının daşınması nəzərdə tutulur.
Göndərilən yanacaq partiyası iki ölkə arasında həyata keçirilən enerji məhsulları tədarükü çərçivəsində növbəti ixrac əməliyyatıdır. Yükün dəmiryolu vasitəsilə daşınacağı və təyinat məntəqəsinə çatdırılacağı bildirilir.
Son dövrlərdə Azərbaycan və Ermənistan arasında müxtəlif istiqamətlərdə iqtisadi əlaqələrin genişləndirilməsi və nəqliyyat-kommunikasiya imkanlarının artırılması ilə bağlı müzakirələr aparılır. Neft məhsullarının ixracı da regionda iqtisadi əməkdaşlıq imkanlarının genişlənməsi baxımından diqqət çəkən hadisələrdən biri kimi qiymətləndirilir.
Qeyd edək ki, dizel yanacağı kənd təsərrüfatı, sənaye və nəqliyyat sektorlarında geniş istifadə olunan əsas enerji məhsullarından hesab edilir. Ermənistana göndərilən 984 tonluq partiyanın ölkənin daxili tələbatının qarşılanmasında istifadə olunacağı gözlənilir.
Yük qatarının gün ərzində Biləcəri stansiyasından hərəkətə başlayacağı bildirilib.
