USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Ramiz Mehdiyevin ailəsinə məxsus. “Bank BTB” adını dəyişdi və BOKT-a çevrildi
“Bank BTB” Açıq Səhmdar Cəmiyyəti təşkilati-hüquqi formasını dəyişərək bank olmayan kredit təşkilatı (BOKT) kimi fəaliyyətini davam etdirəcək.
Qurum bundan sonra “T-Kredit” MMC Bank Olmayan Kredit Təşkilatı adı ilə fəaliyyət göstərəcək.
Dəyişiklik Azərbaycan Mərkəzi Bankının qərarı ilə “Bank BTB”nin müraciəti əsasında həyata keçirilib. Qərara əsasən, bankın BOKT formasında yenidən təşkilinə əvvəlcədən razılıq verilib.
Məlumata görə, yenidən təşkil prosesi çərçivəsində bankın aktivləri və öhdəlikləri “Azərbaycan Beynəlxalq Bankı” ASC-yə ötürülüb.
Qeyd edək ki, “Bank BTB” 2010-cu ildə təsis olunub. Bankın nizamnamə kapitalı 71,45 milyon manat təşkil edib. Səhmlərin 74,98 faizinin Ramiz Mehdiyevin gəlini Nigar Mehdiyevaya məxsus olduğu bildirilir.
