USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Bakıda narkotik dövriyyəsinə qarşı əməliyyat: külli miqdarda narkotik vasitə aşkarlanıb
Bakıda narkotik vasitələrin qanunsuz dövriyyəsinə qarşı növbəti əməliyyat keçirilib.
Nərimanov Rayon Polis İdarəsinin 18-ci Polis Şöbəsinin əməkdaşlarının həyata keçirdiyi əməliyyat tədbiri nəticəsində narkokuryerlikdə şübhəli bilinən 42 yaşlı Samir Mirzəyev saxlanılıb.
Məlumata görə, əməliyyat zamanı onun sərnişin kimi istifadə etdiyi avtomobildən ümumilikdə 5 kiloqram marixuana, 4 kiloqramdan artıq tiryək, həşiş və heroin, həmçinin 1112 ədəd psixotrop tərkibli metadon həbi aşkar edilərək götürülüb.
İlkin araşdırma zamanı saxlanılan şəxsin narkotik vasitələri paytaxt ərazisində müxtəlif ünvanlara çatdıraraq qanunsuz dövriyyəyə buraxmağı planlaşdırdığı bildirilib.
Faktla bağlı cinayət işi başlanılıb. Məhkəmənin qərarı ilə S.Mirzəyev barəsində həbs qətimkan tədbiri seçilib.
İstintaq davam edir.
