USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Köçəryanla bağlı yeni hüquqi proses: Ermənistan Baş Prokurorluğu MSK-ya müraciət etdi
Ermənistanın Baş Prokurorluğu ölkənin sabiq prezidenti Robert Köçəryan barəsində cinayət təqibinə başlanması məsələsini gündəmə gətirib.
Baş Prokurorluq bu məqsədlə Mərkəzi Seçki Komissiyasına müraciət edərək Köçəryanın toxunulmazlığı məsələsinə baxılmasını istəyib. Bundan əlavə, deputatlığa namizədlər Asatur Köçəryan və Ruslan Barseqyanla bağlı da cinayət işinin başlanması ehtimalı araşdırılır.
Məsələ ilə bağlı qərarın qəbul edilməsi üçün MSK-nın mövqeyi tələb olunur.
Qeyd edək ki, bundan əvvəl Robert Köçəryanın ölkədən çıxışı məhdudlaşdırılmışdı. Sabiq prezidentin “Zvartnots” hava limanından xaricə getmək istəyərkən saxlanıldığı və ölkəni tərk etməsinə icazə verilmədiyi bildirilmişdi.
Köçəryanın ofisi isə onun səfərinin şəxsi xarakter daşıdığını açıqlamışdı. Hadisə Ermənistanda siyasi gərginliyin artdığı bir dövrə təsadüf edir.
