USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Xaricdə təhsil alanlar üçün peşə tanınması imtahanı keçirildi
Dövlət İmtahan Mərkəzi (DİM) tərəfindən xarici ölkələrdə ali təhsil almış şəxslər üçün peşə tanınması üzrə imtahan təşkil olunub.
İmtahan iyunun 16-da müəllimlik, mühəndislik və hüquq ixtisasları üzrə keçirilib. DİM-in elektron imtahanlar korpusunda baş tutan imtahan saat 11:00-da başlayıb və 1 saat davam edib.
İmtahan xarici dövlətlərin ali təhsilə aid kvalifikasiyalarının tanınması qaydalarına uyğun olaraq, Təhsildə Keyfiyyət Təminatı Agentliyinin sifarişi əsasında təşkil edilib.
Məlumata görə, imtahanda iştirak üçün 145 nəfər qeydiyyatdan keçib. Onlardan 30 nəfər imtahana gəlməyib. İştirak edən namizədlərdən 16 nəfər tələb olunan keçid balını toplayaraq uğur qazanıb.
Namizədlər imtahanı başa vurduqdan sonra nəticələri ilə tanış olmaq imkanı əldə ediblər. Nəticələrin DİM-in rəsmi internet səhifəsində də yerləşdiriləcəyi bildirilib.
