Cümə axşamı dünyada neft qiymətləri xammal artıqlığı ilə bağlı narahatlıqların azalması fonunda artır.

“foto.info.az” “RİA Novosti”yə istinadən xəbər verir ki, bunu ticarət sövdələşmələrinin nəticələri göstərir.

Şimal dənizindən hasil olunan “Brent” markalı neftin iyul fyuçerslərinin qiyməti 1,85% artaraq bir barel üçün 36,41 ABŞ dollarına, WTI markalı neftin iyul fyuçersləri isə 1,91% artaraq 34,12 ABŞ dollar/barel səviyyəsinə çatıb.

Qeyd edək ki, neft qiymətləri ABŞ Energetika Nazirliyinin məlumatlarında ölkədə neft ehtiyatlarının azalması və bununla bazarın izafi məhsulla dolması ilə əlaqədar narahatlığın aradan qaldırılmasının əks olunmasından sonra artmağa başlayıb. Son həftə ərzində ABŞ-da neft ehtiyatları ekspertlərin 1,2 milyon barel proqnozu qarşılığında 5 milyon barel azalıb. “Capital Economics” analitikləri “Reuters”ə bildiriblər ki, neft anbarlarına təzyiqin azalmasına dair işartılar qiymətlər üçün müsbət gedişatdır, amma son məlumatlar ehtiyatların azalmasının məhsula tələbatın artması yox, təklif amilləri ilə bağlı olduğunu göstərir.