USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
5 ayda istehlakçılara 87 milyon manatdan çox ƏDV geri qaytarılıb
Bu ilin yanvar–may aylarında istehlakçılara qaytarılan əlavə dəyər vergisinin (ƏDV) həcmi 87 milyon 305,8 min manat təşkil edib.
Dövlət Vergi Xidmətinin yaydığı məlumata görə, qeyd olunan məbləğ ölkə ərazisində pərakəndə ticarət və ictimai iaşə fəaliyyəti göstərən şəxslərdən alınmış mallara (neft və qaz məhsulları, avtomobillər, alkoqollu içkilər və tütün məmulatları istisna olmaqla), teatr tamaşaları, film nümayişi, muzey ziyarəti və simfonik orkestr konsertləri üzrə xidmətlərə görə ödənilmiş ƏDV-nin istehlakçılara qaytarılması nəticəsində formalaşıb.
Bundan başqa, tibb müəssisələri və özəl tibbi praktika ilə məşğul olan fiziki şəxslər tərəfindən göstərilən xidmətlər, eləcə də işğaldan azad edilmiş ərazilərdə yerləşən mehmanxanalar tərəfindən təqdim olunan gecələmə və qalma xidmətləri üzrə ödənilmiş ƏDV məbləğləri də geri qaytarılan vəsaitlərə daxildir.
Hesabat dövründə xarici vətəndaşların ölkə ərazisində fərdi istehlak məqsədilə aldıqları mallara görə dövlət büdcəsindən qaytarılmış ƏDV-nin (“Tax Free”) məbləği isə 3 milyon 434 min manat olub.
