“İkinci turda kimi dəstəkləyəcəyimizlə bağlı məsləhətləşəcəyik”.

Bu barədə “ATA İttifaqı”nın namizədi Sinan Oğan prezident seçkisinin ikinci kimə dəstək olacağı ilə bağlı sualı cavablandırarkən bildirib:

“Bu gün həm “ATA İttifaqı”nın üzvlərini, həm də birlikdə fəaliyyət göstərdiyim yoldaşlarımı görüşə dəvət etdim. Hər iki tərəflə birgə məşvərət toplantısı keçirəcəyik. Bu məsləhətləşmələr davam edəcək və inşallah, ən qısa zamanda bir nəticəyə gələcəyik. Bu nəticə Sinan Oğanın deyil, ümumi ağlın qərarı olacaq”, - deyə o bildirib.
Qeyd edək ki, Türkiyə Mərkəzi Seçki Komissiyası seçkinin nəticələri ilə bağlı açıqlama verib. Məlumata görə, ölkədə seçki qutularının 100 faizi açılıb, ölkədə iştirak 88,92 faiz, xaricdə isə 52,69 faiz təşkil edib. Rəcəb Tayyib Ərdoğan 49,51 faiz, Kemal Kılıçdaroğlu 44,88 faiz, Sinan Oğan 5,17 faiz, Muharrem İnce isə 0,44 faiz səs toplayıblar. Prezident seçkisində namizədlər kifayət qədər səs toplamadıqlarına görə mayın 28-də seçkinin ikinci turu keçiriləcək.