“Cavid Osmanov öz əxlaqi və mənəvi dəyərləri ilə YAP-ı və Ağdaş sakinlərini Milli Məclisdə təmsil edə bilməz. Bildirilir ki, hətta sakinlərlə, həmçinin YAP üzvləri ilə eyni fikri rayon rəhbərliyi də paylaşır. Rayon İcra Hakimiyyətinin başçısı Tofiq İbrahimov da Cavid Osmanovun onun birinci müavini olmasına və YAP-a rəhbərlik etməsinə ilk gündən qarşı çıxıb. Amma hansısa görünməz güc daim Cavid Osmanovu müdafiə edir və onu irəli çəkir.”

Bu iddia ilə foto.info.az saytı çıxış edib. Sayt yazır ki, əslində, Cavid Osmanovun Milli Məclisdə necə və hansı şəraitdə təmsil olunduu şübhələr doğurur. Ən azından Ağdaş sakinlərinin etirazına səbəbkar olan deputat ümumiyyətlə YAP-dan qovulmalı və eyni zamanda mandatı ləğv edilməli idi. Çünki adı bir neçə neqativ olaylarda hallanan şəxsin deputat olmağa mənəvi haqqı yoxdur. Bu sözləri foto.info.az-a Ağdaş rayonundan olan bir qrup sakin söyləyib.

foto.info.az-in iddiasına görə, deputat 1991-1995- ci illərdə hərbi mükəlləfiyyətli olsa da, fərarilik edib xaricə qaçıb. Azərbaycana qayıtdıqdan sonra isə rüşvət verərək hərbi bilet alıb məsələni qapadıb. O, YAP-ın Ağdaş təşkilatına sədr seçildiyi vaxt da veteranlar bu “seçimə” qarşı olublar və onlar “seçimi” bilinməyən fiqurun sifarişi kimi qarşılayıblar. Bir sözlə, fərari olan şəxs heç zaman millətə və dövlətə sadiq ola bilməz. Çoxları indi də onu Fətulla Gülənin gizli müridlərindən biri hesab edir. Başqa iddialarda isə Osmanovun Bakıda və bir sıra rayonlarda gizli “priton” biznesi ilə əlaqəli olduğu qeyd edilir. “Od olmayan yerdən tüstü çıxmaz” deyib atalarımız. Allah ruhlarını şad eləsin…
//dosye.org