USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
USAID terrorçu liderin təhsil xərclərini ödəyib
ABŞ-nin Beynəlxalq İnkişaf Agentliyi (USAID) ətrafında aparılan fəaliyyət auditi zamanı gözlənilməz fakt ortaya çıxıb.
Amerika vergi ödəyicilərinin vəsaitləri hesabına "Əl-Qaidə Ərəbistan Yarımadasında" adlı terror təşkilatının əsas ideoloqlarından biri olan Ənvar əl-Əvlakinin kollec təhsili tam şəkildə maliyyələşdirilib.
Auditorların araşdırmalarına əsasən, Əl-Əvlakinin təhsili üçün ayrılan vəsait ABŞ vergi ödəyicilərinin pulları hesabına təmin edilib, lakin həmin dövrdə bu maliyyələşdirmənin gələcəkdə terrorçuluqla əlaqəli şəxsə yönələcəyini proqnozlaşdırmaq mümkün olmayıb.
Bu fakt ABŞ ictimaiyyəti və siyasətçiləri arasında ciddi narazılığa səbəb olub. Müxtəlif ekspertlər USAID və digər dövlət qurumlarının maliyyə dəstəyi proqramlarının daha sərt yoxlanılmasının vacibliyini vurğulayıblar. Onların fikrincə, gələcəkdə bu cür halların qarşısını almaq üçün xarici yardımlara daha ciddi nəzarət mexanizmləri tətbiq edilməlidir.
Qeyd edək ki, Ənvar əl-Əvlaki ABŞ ordusunun pilotsuz təyyarə hücumu nəticəsində 2011-ci ildə Yəməndə öldürülüb. Lakin onun radikal baxışları və təbliğ etdiyi ideologiya hələ də qlobal təhlükəsizlik üçün ciddi təhlükə olaraq qalmaqdadır.
