USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Dronların və digər hava nəqliyyatı vasitələrinin təhlükəsizlik qaydalarını pozanlara qarşı cəzalar sərtləşdirildi
Azərbaycanda dronlar da daxil olmaqla dəmir yolu, su, hava nəqliyyatı və digər hava gəmilərinin hərəkət və istismar təhlükəsizliyi qaydalarının pozulmasına görə tətbiq olunan cəzalar sərtləşdirilib.
Bu barədə Prezident İlham Əliyev tərəfindən təsdiqlənmiş Cinayət Məcəlləsi və İnzibati Xətalar Məcəlləsinə edilən dəyişikliklərdə əksini tapıb.
Yeni qanunvericiliyə əsasən, iş və ya vəzifə fəaliyyəti ilə əlaqədar olaraq bu nəqliyyat vasitələrinin təhlükəsizlik qaydalarına əməl etməli olan şəxslərin ehtiyatsızlıq nəticəsində zərərçəkmişin sağlamlığına ağır və ya az ağır xəsarət yetirməsi aşağıdakı cəzaları nəzərdə tutur:
• İki ilədək müəyyən vəzifə tutmaq və ya müəyyən fəaliyyətlə məşğul olmaq hüququndan məhrumetmə;
• 5 000 manatdan 7 000 manatadək cərimə;
• İki ilədək islah işləri;
• İki ilədək azadlığın məhdudlaşdırılması;
• Yaxud iki ilədək azadlıqdan məhrumetmə.
Bundan əlavə, İnzibati Xətalar Məcəlləsinə edilən digər bir dəyişikliklə, əlilliyi olan şəxslərin hüquqları da genişləndirilib. Belə ki, orqanizmin funksiyalarının 61–100%-i pozulan şəxslərə və əlilliyi olan uşaqlara ictimai işlər təyin olunması qanunla qadağan edilib. Əvvəllər bu məhdudiyyət yalnız 18 yaşınadək əlilliyi olan şəxsləri əhatə edirdi.
