İranın devrilmiş şahı Məhəmməd Rza Pəhləvinin oğlu və mühacirətdə yaşayan müxalifət lideri Rza Pəhləvi, ölkədə mövcud rejimə qarşı ümummilli üsyan və etirazlara çağırış edib.

O, yayımladığı bəyanatda orduya, təhlükəsizlik qüvvələrinə və kəşfiyyat xidmətlərinə müraciət edərək İslam Respublikasının “korrupsioner və səriştəsiz rəhbərliyindən” uzaqlaşmağa çağırıb: “Bu rejim nə sizi, nə də İranı dəyərləndirir. Xalqa qoşulun və İranın xilası üçün onların yanında olun”, – deyə Rza Pəhləvi bildirib.

O, İslam Respublikasının devrilməsi üçün ümumi tətillər və küçə etirazlarının əsas vasitə olduğunu qeyd edib: “Həll yolu küçə etirazları və ümumi tətillər yolu ilə İslam Respublikasını devirməkdir.”

Qeyd edək ki, son günlərdə İsrailin İrana endirdiyi hava zərbələri və yüksək rütbəli iranlı hərbçilərin ölümü fonunda ölkədə daxili narazılıqlar artmaqdadır. Rza Pəhləvi uzun illərdir mühacirətdə yaşasa da, ölkə daxilində və diasporada az da olsa tərəfdarlarını saxlayır.