USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
BMT-dən İsrail və İrana çağırış: “Təmkinli olun, münaqişəni dərinləşdirməyin”
Birləşmiş Millətlər Təşkilatının (BMT) Baş katibi Antonio Quterreş İsrailin İranın nüvə obyektlərinə endirdiyi hava zərbələrindən narahatlığını ifadə edib və tərəfləri maksimum təmkin nümayiş etdirməyə çağırıb.
Bu barədə BMT rəhbərinin sözçüsünün müavini Fərhan Haq rəsmi açıqlama verib.
“Baş katib Yaxın Şərqdə istənilən hərbi eskalasiyanı qətiyyətlə pisləyir. O, İran və ABŞ arasında nüvə proqramı ilə bağlı danışıqlar fonunda İsrailin İrandakı nüvə obyektlərinə hücumlarından ciddi narahatdır”, – bəyanatda qeyd olunub.
Antonio Quterreş hər iki tərəfi münaqişənin dərinləşməməsi üçün səy göstərməyə çağırıb:
“Baş katib hər iki tərəfdən maksimum təmkin nümayiş etdirməyi və nəyin bahasına olursa-olsun gərginliyin artmasına yol verilməməsini xahiş edir”, – deyə Fərhan Haq bildirib.
