USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
İsrail Hərbi Hava Qüvvələri Tehranda neft zavodunu vurdu – Şəhər alovlar içindədir
Bu gecə İsrail Hərbi Hava Qüvvələri Tehranın cənubunda yerləşən böyük neft emalı zavoduna hava zərbələri endirib. Yerli mənbələrin və sosial şəbəkələrdə yayılan görüntülərin məlumatına görə, zərbə nəticəsində zavodda güclü partlayış baş verib və ərazi alova bürünüb.
Tehranın müxtəlif yerlərindən görünən alov və tüstü şəhərdə təşviş yaradıb. İran rəsmiləri hadisəni təsdiqləyiblər, lakin zərərin miqyası və insan tələfatı barədə hələlik rəsmi məlumat açıqlanmayıb.
Hadisə ilə bağlı İranın hava hücumundan müdafiə sistemlərinin aktivləşdirildiyi, şəhər səmasında dron və raketlərə qarşı yaylım atəşi açıldığı bildirilib. Sosial media istifadəçiləri partlayış anını əks etdirən videolar və fotolar paylaşıblar.
Bu zərbələr İsrailin İranın hərbi və strateji obyektlərinə qarşı başladığı genişmiqyaslı hücum dalğasının bir hissəsi kimi qiymətləndirilir. Rəsmi Təl-Əvivdən hələlik əməliyyatla bağlı rəsmi açıqlama verilməyib.
Bölgədə gərginliyin daha da artacağı gözlənilir.
