USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
İsrail bütün səfirliklərini bağlayır
İsrail hökuməti dünyadakı bütün səfirliklərini və konsulluq nümayəndəliklərini müvəqqəti bağlamaq qərarı verib.
Bu barədə İsrailin Xarici İşlər Nazirliyi rəsmi bəyanat yayıb. Bildirilib ki, konsulluq xidmətləri də dayandırılacaq və bu qərarın nə qədər müddət qüvvədə olacağı hələlik məlum deyil.
Nazirlik, həmçinin, xaricdə olan İsrail vətəndaşlarından olduqları yer barədə elektron forma doldurmalarını istəyib. Qeyd olunur ki, bu addım təhlükəsizlik məqsədi daşıyır.
Bu cür tədbir ilk dəfə deyil – 2023-cü il oktyabrın 7-də HƏMAS-ın İsrailə hücumundan sonra da vətəndaşlara oxşar forma doldurma tələbi irəli sürülmüş və ehtiyatda olan hərbi qulluqçuların qeydiyyatı məqsədilə istifadə olunmuşdu.
Xatırladaq ki, İsrail ordusu iyunun 13-nə keçən gecə İrana hava zərbələri endirib. Tehran, Təbriz, Natanz və Kirmanşah şəhərlərində baş verən partlayışlar nəticəsində İranın yüksək rütbəli hərbçiləri və nüvə sahəsində çalışan alimləri həlak olub.
