Azərbaycan Respublikasının Prezidenti İlham Əliyev 2024-cü il üzrə Dövlət Neft Fondunun (ARDNF) büdcəsinin icrası ilə bağlı sərəncam imzalayıb.

Sərəncama əsasən, ötən il Neft Fondunun büdcə gəlirləri 18 milyard 39 milyon manat, xərcləri isə 12 milyard 896,4 milyon manat təşkil edib.

Əsas gəlir mənbələri:

Fondun gəlirlərinin böyük hissəsi neft-qaz sazişlərinin həyata keçirilməsindən əldə olunub – bu göstərici 12 milyard 243,7 milyon manat olub. Onun strukturuna daxil olan əsas gəlir mənbələri isə belədir:
• Mənfəət neft-qazının satışından – 11 milyard 461,4 milyon manat
• Bonus ödənişlərindən – 778,2 milyon manat
• Tranzit gəlirləri – 0,5 milyon manat
• Akrhesabı ödənişlərdən – 3,6 milyon manat

Bundan əlavə, Fondun vəsaitlərinin idarə olunmasından əldə edilən investisiya gəliri 5 milyard 795,3 milyon manat olub ki, bu da investisiya portfelinin 6%-i həcmindədir.

Əsas xərclər və transfertlər:

2024-cü il ərzində ARDNF tərəfindən aşağıdakı istiqamətlərə maliyyə vəsaiti ayrılıb:
• Dövlət büdcəsinə transfert – 12 milyard 781 milyon manat
• “2019-2023-cü illər üçün ali təhsil sisteminin beynəlxalq rəqabətliliyinin artırılması üzrə Dövlət Proqramı”na – 34 milyon manat
• “Gənclərin xarici ölkələrin nüfuzlu ali təhsil müəssisələrində təhsil almalarına dair 2022–2028-ci illər üçün Dövlət Proqramı”na – 47,3 milyon manat
• Fondun idarə edilməsi ilə bağlı xərclər – 34,1 milyon manat

Sərəncamla bağlı ətraflı məlumat Azərbaycan Respublikası Dövlət Neft Fondunun rəsmi hesabatında yer alıb.