USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Azərbaycan, Türkmənistan və Özbəkistan birgə müəssisələr yaradacaq
Azərbaycan, Türkmənistan və Özbəkistan ticari-iqtisadi əməkdaşlığı gücləndirmək üçün yeni addımlar atacaq.
Avqustun 22-də Türkmənbaşıda keçirilən üçtərəfli sammitin yekununda Azərbaycan Prezidenti İlham Əliyev, Özbəkistan Prezidenti Şavkat Mirziyoyev və Türkmənistan Xalq Məsləhətinin sədri Qurbanqulu Berdıməhəmmədovun qəbul etdikləri birgə bəyanatda bu barədə razılıq əldə olunub.
Sənəddə qeyd edilir ki, tərəflər bərabərlik, qarşılıqlı fayda və maraqların nəzərə alınması prinsipləri əsasında iqtisadi əlaqələrin inkişafı üçün əlverişli şərait yaradılmasının vacibliyini vurğulayıblar.
Bu çərçivədə üç ölkənin işgüzar dairələri arasında birbaşa əlaqələrin genişləndirilməsi, sərgilər və biznes forumların keçirilməsi nəzərdə tutulur. Həmçinin nəqliyyat əlaqələrinin gücləndirilməsi, xalqların maraqlarına cavab verən birgə layihələrin hazırlanıb həyata keçirilməsi qərara alınıb.
Razılaşmaya əsasən, tekstil, kimya, tikinti və digər sənaye sahələrində birgə müəssisələrin yaradılması xüsusi diqqət mərkəzində olacaq.
