USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
İlham Əliyev Qurbanqulu Berdiməhəmmədova Qarabağ atı hədiyyə edib
İyulun 17-də Azərbaycan Respublikasının Prezidenti İlham Əliyev və Türkmənistan Xalq Məsləhətinin sədri Qurbanqulu Berdiməhəmmədov Şuşa şəhərində yerləşən Cıdır düzündə olublar.
Görüş zamanı qədim və zəngin irsə malik olan Qarabağ atlarının təqdimatı keçirilib. Tədbir çərçivəsində Prezident İlham Əliyev türkmən xalqının milli lideri Qurbanqulu Berdiməhəmmədova “Dostluq” adlı Qarabağ atını hədiyyə edib.
Bu jest Azərbaycan ilə Türkmənistan arasında tarixi dostluq və qardaşlıq münasibətlərinin növbəti simvolu kimi dəyərləndirilib. Qeyd edək ki, həm Azərbaycan, həm də Türkmənistan atçılıq ənənələrinə xüsusi önəm verən ölkələr sırasındadır və bu sahədə əməkdaşlıq ikitərəfli münasibətlərin mühüm istiqamətlərindən biridir.
