USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Rusiya XİN: AZAL təyyarəsinin qəzası ilə bağlı 1 milyard rubldan çox sığorta ödənişi həyata keçirilib
Rusiya Xarici İşlər Nazirliyi 2024-cü il 25 dekabrda Qazaxıstanın Aktau şəhəri yaxınlığında qəzaya uğramış “Azərbaycan Hava Yolları”na (AZAL) məxsus sərnişin təyyarəsi ilə bağlı açıqlama yayıb.
Nazirliyin məlumatına görə, 2025-ci ilin fevralından etibarən Rusiyanın “AlfaStrakhovanie” ASC şirkəti aviaşirkətə təyyarənin tam sığorta dəyəri – 1,003 milyard rubl məbləğində ödəniş edib. Xəsarət alan sərnişinlərə və həyatını itirənlərin ailələrinə ümumilikdə 358,4 milyon rubl kompensasiya verilib.
Məlumata əsasən, 15 Rusiya vətəndaşından 7-si, 38 Azərbaycan vətəndaşından 35-i, həmçinin Qırğızıstan və Qazaxıstan vətəndaşlarının yaxınları artıq ödənişlərini alıb. Digərləri ilə razılaşdırma prosesi davam edir.
Xatırladaq ki, dekabrın 25-də Bakı–Qroznı reysini yerinə yetirən Embraer tipli təyyarə Aktau yaxınlığında qəzaya uğramış, göyərtədə olan 67 nəfərdən 38-i həlak olmuşdu.
