USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Polis xüsusi əməliyyatlarda 20-dən çox şəxsi saxlayıb
Daxili İşlər Nazirliyinin Baş Mütəşəkkil Cinayətkarlıqla Mübarizə İdarəsi paytaxt və bölgələrdə odlu silah-sursatın qanunsuz dövriyyəsi, hədə-qorxu yolu ilə pul tələb edilməsi və narkotik vasitələrin satışının qarşısını almaq məqsədilə əməliyyatlar keçirib.
DİN-in məlumatına görə, tədbirlər zamanı kriminal həyat tərzini təbliğ edən, cinayət törətməyə meyilli 20-dən çox şəxs saxlanılıb. Onlardan müxtəlif markalı tapançalar, “Kalaşnikov” avtomatları və patronlar aşkarlanıb.
Narkotiklərin qanunsuz dövriyyəsinin qarşısının alınması üzrə sonuncu əməliyyatlar zamanı ümumilikdə 142 kiloqram müxtəlif adda narkotik vasitə müsadirə edilib, 3 mütəşəkkil dəstənin üzvləri və cinayətlərdə təqsirli bilinən daha 7 nəfər saxlanılıb. Hazırda 10 cinayət işi üzrə istintaq aparılır.
