USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
İlham Əliyev və Nikol Paşinyan Kopenhagendə görüşüb
Oktyabrın 2-də Kopenhagendə Azərbaycan Prezidenti İlham Əliyev ilə Ermənistanın Baş naziri Nikol Paşinyan arasında görüş keçirilib.
Görüşdə tərəflər ABŞ Prezidenti Donald Trampın təşəbbüsü ilə keçirilən Vaşinqton Sülh Sammitində əldə olunmuş razılaşmaların əhəmiyyətini vurğulayıblar. Onlar Ermənistan və Azərbaycan arasında sülhün möhkəmləndirilməsi istiqamətində səyləri davam etdirməyə hazır olduqlarını bir daha təsdiqləyiblər.
Müzakirələr zamanı:
• regionda nəqliyyat kommunikasiyalarının faydaları;
• Azərbaycanda infrastruktur layihələrinin gedişi;
• Ermənistan ərazisində həyata keçiriləcək TRIPP layihəsi;
• Vaşinqton Bəyannaməsinin icrası məsələləri diqqət mərkəzində olub.
Tərəflər həmçinin ATƏT-in Minsk prosesi və onunla əlaqəli strukturların ləğvini yekdilliklə qəbul edilmiş qərar kimi alqışlayıblar.
Prezident İlham Əliyev və Baş nazir Nikol Paşinyan etimad quruculuğu tədbirlərinin davam etdirilməsinin vacibliyini vurğulayıb və təmasların sürdürülməsi barədə razılığa gəliblər.
