Rusiya və Azərbaycan prezidentləri — Vladimir Putin və İlham Əliyev arasında görüşün baş tutması gözlənilir.

Görüşün oktyabrın 8-dən 10-dək Düşənbədə keçiriləcək tədbirlər çərçivəsində reallaşacağı ehtimal olunur. Bu barədə Rusiya prezidentinin köməkçisi Yuri Uşakov məlumat verib.

Uşakovun sözlərinə görə, Putin oktyabrın 8-də Tacikistana səfər edəcək. Onun proqramına dövlət səfəri çərçivəsində tədbirlər, Mərkəzi Asiya–Rusiya ikinci Sammiti və MDB Dövlət Başçıları Şurasının iclasında iştirak daxildir.

Kremlin sözçüsü bildirib ki, Düşənbə səfəri zamanı Putinlə digər dövlət başçıları arasında ikitərəfli təmaslar da mümkündür.
“Bu, bütün sammitlərdə görülən işlərin bir hissəsidir”, – deyə o vurğulayıb.

Onun sözlərinə görə, həmin təmaslara Rusiya və Azərbaycan liderləri arasında görüş də daxildir.