ABŞ ilə Rusiya arasında danışıqlar Səudiyyə Ərəbistanında başa çatıb.

Ər-Riyadda Rusiya xarici işlər naziri Sergey Lavrovun və ABŞ dövlət katibi Marko Rubionun iştirak etdiyi danışıqlar yekunlaşıb.
Görüş demək olar ki, beş saat davam etdi, halbuki, TASS agentliyinin yazdığı kimi, mövqelərin hər hansı yaxınlaşmasından danışmaq çətindir.
Buna baxmayaraq, ikitərəfli münasibətlərin əsas məsələləri müzakirə olunub.

“Moskva Tayms” da danışıqların birinci mərhələsinin başa çatdığını təsdiq edir. Bununla belə, təfərrüatlar hələ açıqlanmayıb və tərəflərin hər hansı razılığa gəlib-gəlmədiyi bəlli deyil.

Vladimir Putinin köməkçisi Yuri Uşakovun dediyi kimi, danışıqlar “olduqca yaxşı” keçdi və nümayəndə heyətləri “bütün məsələlər üzrə ciddi söhbətlər apardılar”.
“Rusiya və Birləşmiş Ştatlar ikitərəfli münasibətləri inkişaf etdirmək barədə razılığa gəliblər və həm Moskva, həm də Vaşinqton bunda maraqlıdır.

Uşakov əlavə edib ki, ABŞ və Rusiyadan ibarət “ayrı-ayrı qruplar” Ukrayna ilə bağlı “vaxtında” təmaslara başlayacaq. ABŞ Dövlət Departamenti də öz növbəsində qeyd edib ki, Ukrayna münaqişəsinin həlli üçün bir görüş kifayət deyil.

Bu arada Donald Trampla Vladimir Putinin görüşü şübhə altında qalır. TASS-ın məlumatına görə, hələlik dəqiq tarix müəyyən edilməyib və görüşün gələn həftə baş tutacağı ehtimalı yoxdur.