Ermənistanın xarici işlər naziri Ararat Mirzoyan ATƏT-in fəaliyyətdə olan sədri, Finlandiyanın xarici işlər naziri Elina Valtonen ilə birgə mətbuat konfransında Minsk Qrupu məsələsinin həll olunduğunu bildirib.

Mirzoyan qeyd edib:

“Minsk Qrupu məsələsi mahiyyətcə həll olunub: siyasi qərar var və texniki məsələlər dekabra kimi həll olunacaq.”

Nazir həmçinin Bakının sülh sazişi imzalaması üçün konstitusiyaya dair şərtlərlə bağlı verilən suala cavab verib:

“Konstitusiyaya gəlincə, qeyd etməyi zəruri hesab edirəm ki, əvvəllər olduğu kimi, belə bir məsələ gündəmdə deyil. Konstitusiyaya dəyişiklik edilməsi və ya yenisinin qəbul edilməsi daxili siyasi məsələdir və bunu Ermənistan xalqı həll etməlidir. Mən təəccüblənirəm ki, bu qədər təminatlardan sonra bu məsələ hələ də qaldırılır. Ermənistan heç vaxt belə öhdəlik götürməyib. Bu, daxili məsələdir.”