Prezident Administrasiyasının sabiq rəhbəri Ramiz Mehdiyev barəsində 4 ay müddətinə ev dustaqlığı qətimkan tədbiri seçilib. Bu qərardan sonra onun oğlu, fövqəladə hallar nazirinin müavini general Teymur Mehdiyevin gələcək fəaliyyəti ilə bağlı suallar yaranıb.

Teymur Mehdiyev 2014-cü ildən etibarən Fövqəladə Hallar Nazirinin müavini vəzifəsində çalışır. Onun hazırkı statusu ilə bağlı rəsmi açıqlama verilməyib.

Məsələ ilə bağlı Ramiz və Teymur Mehdiyevlə əlaqə saxlamaq mümkün olmayıb — hər iki şəxsin telefonu sönülü olub. Fövqəladə hallar naziri Kəmaləddin Heydərov da bu barədə suala cavab verməkdən yayınıb.

Qeyd edək ki, Ramiz Mehdiyev Azərbaycan Respublikası Cinayət Məcəlləsinin
• 274-cü (Dövlətə xəyanət),
• 278-ci (Hakimiyyəti zorla ələ keçirmə və ya onu zorla saxlama),
• 193-1-ci (Cinayət yolu ilə əldə edilmiş pul vəsaitlərinin leqallaşdırılması) maddələri ilə ittiham olunur.