USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Zaxarova: “İrəvan Qarabağla bağlı sənədləri yaymaqla etik normaları pozub”
Rusiya Xarici İşlər Nazirliyinin rəsmi nümayəndəsi Mariya Zaxarova Ermənistanın Qarabağla bağlı ATƏT-in işçi sənədlərini və həmsədr ölkə rəhbərlərinin yazışmalarını məsləhətləşmə aparmadan dərc etməsini “etik normaların pozulması” kimi qiymətləndirib.
Zaxarova bildirib ki, İrəvanın açıqladığı sənədlər Ermənistanın indiyədək irəli sürdüyü tezislərlə ziddiyyət təşkil edir:
“Əgər onlar bunu artıq ediblərsə, deməli, bu sənədlər İrəvanda səsləndirilən mövqedən fərqlənir. ATƏT və BMT sənədləri aydın şəkildə göstərir ki, Rusiya 30 il ərzində həmsədr ölkə kimi münaqişənin siyasi-diplomatik həlli üçün maksimum səylər göstərib. Biz bunu həmişə demişik və indi həmin sənədlər bunu açıq şəkildə təsdiqləyir.”
Qeyd edək ki, bir gün əvvəl Ermənistan hökuməti Qarabağ danışıqlarına dair bir sıra sənədləri ictimaiyyətə təqdim etmişdi.
