Azərbaycan Xalq Cəbhəsi Partiyasının (AXCP) sədri Əli Kərimlinin qaynı, keçmiş siyasi məhbus Elnur Seyidovun evində Dövlət Təhlükəsizlik Xidmətinin (DTX) əməkdaşları tərəfindən axtarış aparılıb. Bu barədə məlumatı Azadlıq qəzeti yayıb.

Məlumata görə, axtarış zamanı Elnur Seyidova məxsus mobil telefon müsadirə edilib. Hadisə ilə bağlı rəsmi qurumlar tərəfindən hələlik açıqlama verilməyib.

Elnur Seyidovun keçmişi

Elnur Seyidov 2012-ci il martın 27-də keçmiş Milli Təhlükəsizlik Nazirliyi tərəfindən saxlanılmışdı. O zaman “Texnikabank”ın Yasamal filialının müdir müavini olan Seyidov:
• CM-nin 178-ci maddəsi (dələduzluq),
• 308-ci maddəsi (vəzifə səlahiyyətlərindən sui-istifadə),
• dövlət təltifləri və sənədlərin saxtalaşdırılması ilə bağlı digər maddələrlə

ittiham olunmuşdu. Bakı Ağır Cinayətlər Məhkəməsi onu 7 il 6 ay müddətinə həbs etmişdi. Seyidov 2019-cu ildə əfv sərəncamı ilə azadlığa çıxıb.

Əli Kərimlinin həbsi fonunda

AXCP sədri Əli Kərimli noyabrın 29-da saxlanılıb. O, CM-nin 278.1-ci maddəsi — “hakimiyyəti zorla ələ keçirməyə və konstitusiya quruluşunu zorla dəyişdirməyə cəhd” ittihamı ilə həbs olunub. Dekabrın 1-də Səbail Rayon Məhkəməsi onun barəsində 2 ay 15 gün müddətinə həbs qətimkan tədbiri seçib.

Hökumətyönlü media Əli Kərimlinin həbsi və istintaqa cəlb olunmasını Ramiz Mehdiyev işi ilə əlaqələndirir.

Hadisənin Seyidovun evinə edilən axtarışla bağlı olub-olmadığı barədə isə rəsmi açıqlama yoxdur.