USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Şahbaz Şərif: Pakistan Prezident İlham Əliyevin rəhbərliyi ilə Azərbaycanın nailiyyətləri ilə fəxr edir
Pakistanın Baş naziri Şahbaz Şərif Azərbaycanla Pakistan arasında dərin köklərə əsaslanan qardaşlıq münasibətlərinin mövcud olduğunu bildirib. O qeyd edib ki, iki ölkəni qarşılıqlı dəstək, eləcə də qlobal sülh, rifah və dayanıqlı inkişaf kimi ümumi dəyərlər birləşdirir.
Şahbaz Şərif bu fikirləri Birləşmiş Ərəb Əmirliklərinin paytaxtı Əbu-Dabi şəhərində keçirilən “Zayed İnsan Qardaşlığı Mükafatı”nın təqdimolunma mərasimində səsləndirib.
Pakistanın Baş naziri Prezident İlham Əliyevin müdrik və düşünülmüş rəhbərliyi ilə Azərbaycanın əldə etdiyi yüksək nailiyyətləri xüsusi vurğulayıb. O bildirib ki, Prezident İlham Əliyev Qafqazda və onun hüdudlarından kənarda sülh və sabitliyin qətiyyətli tərəfdarı kimi tanınır.
Şahbaz Şərif həmçinin Pakistanın Azərbaycan və Ermənistan arasında imzalanmış Sazişi alqışladığını qeyd edərək, bu sənədi təkcə iki ölkə üçün deyil, bütövlükdə regionda yeni əmin-amanlıq və dayanıqlı sülh dövrünün başlanğıcı kimi qiymətləndirib.
