USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Prezident İlham Əliyevə “Zayed İnsan Qardaşlığı Mükafatı” təqdim olunub
Fevralın 4-də Birləşmiş Ərəb Əmirliklərinin paytaxtı Əbu-Dabi şəhərində “Zayed İnsan Qardaşlığı Mükafatı”nın təqdimolunma mərasimi keçirilib.
Azərbaycan Respublikasının Prezidenti İlham Əliyev tədbirdə iştirak edib.
Mərasim Birləşmiş Ərəb Əmirliklərinin Dövlət Himninin səsləndirilməsi ilə başlayıb. Daha sonra “Zayed İnsan Qardaşlığı Mükafatı”na həsr olunmuş videoçarx nümayiş etdirilib.
Tədbirdə Müsəlman Ağsaqqalları Şurasının baş katibi Məhəmməd Əbdülsalam çıxış edərək mükafatın əsas məqsədinin xalqlar arasında dialoqun, qarşılıqlı anlaşmanın və sülhün təşviqi olduğunu bildirib.
Mərasim zamanı bir sıra dövlət və hökumət başçılarının, eləcə də tanınmış rəsmi şəxslərin “Zayed İnsan Qardaşlığı Mükafatı”nın laureatlarına ünvanladıqları təbrik videomüraciətləri nümayiş etdirilib. Videomüraciətlər Türkiyə Respublikasının Prezidenti Rəcəb Tayyib Ərdoğan, Qazaxıstan Respublikasının Prezidenti Kasım-Jomart Tokayev, Özbəkistan Respublikasının Prezidenti Şavkat Mirziyoyev, Pakistan İslam Respublikasının Baş naziri Məhəmməd Şahbaz Şərif, Qırğız Respublikasının Prezidenti Sadır Japarov, Livan Respublikasının Prezidenti Cosef Aun, Türkiyənin birinci xanımı Əminə Ərdoğan və İordaniya Haşimilər Krallığının Kralı II Abdullah tərəfindən təqdim olunub.
Mükafat Prezident İlham Əliyevin beynəlxalq miqyasda sülhün, qarşılıqlı hörmətin və insan qardaşlığının möhkəmləndirilməsinə verdiyi töhfələrə görə təqdim edilib.
