USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Zahid Orucun rəhbərlik etdiyi qurum ləğv edildi – MEDİA-ya birləşdirilir
Prezident İlham Əliyev “Azərbaycan Respublikasının Medianın İnkişafı Agentliyi” və “Beynəlxalq Münasibətlərin Təhlili Mərkəzi” publik hüquqi şəxslərin yenidən təşkili haqqında Fərman imzalayıb.
Fərmana əsasən, Azərbaycan Respublikasının Medianın İnkişafı Agentliyi publik hüquqi şəxs Sosial Tədqiqatlar Mərkəzinin ona qoşulması yolu ilə yenidən təşkil olunur.
Eyni zamanda, Beynəlxalq Münasibətlərin Təhlili Mərkəzi publik hüquqi şəxs Bakı Beynəlxalq Multikulturalizm Mərkəzinin ona qoşulması yolu ilə “Beynəlxalq Münasibətlərin Təhlili və Multikulturalizm Mərkəzi” publik hüquqi şəxs qismində fəaliyyətini davam etdirəcək.
Qeyd edək ki, “Sosial Tədqiqatlar Mərkəzi”nə Zahid Oruc rəhbərlik edirdi. Fərmanın icrası ilə bağlı əlavə struktur və idarəetmə dəyişikliklərinin yaxın günlərdə açıqlanacağı gözlənilir.
