USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Azərbaycan Xarici İşlər Nazirliyi Yaxın Şərqdəki vətəndaşlara müraciət edib
Azərbaycan Xarici İşlər Nazirliyi (XİN) Yaxın Şərq regionunda olan Azərbaycan vətəndaşlarına müraciət ünvanlayıb.
Nazirliyin Mətbuat xidməti idarəsinin rəisi Ayxan Hacızadə yerli mətbuatın sorğusuna cavabında bildirib ki, hazırda bölgədə olan vətəndaşlarımızdan təhlükəsizlik vəziyyətini diqqətlə izləmələri, yerli hakimiyyət orqanlarının göstəriş və tövsiyələrinə riayət etmələri, kütləvi toplaşma yerlərindən uzaq durmaları və şəxsi təhlükəsizlik tədbirlərini gücləndirmələri xahiş olunur.
O qeyd edib ki, vətəndaşların təxliyyəsi məsələsinə gəldikdə, indiki mərhələdə Nazirliyin paylaşdığı səyahət xəbərdarlığına uyğun olaraq İran ərazisində olan Azərbaycan vətəndaşlarının ölkədən çıxışı yerləşmə bölgəsindən asılı olaraq Azərbaycan və Türkiyə ilə quru sərhədləri vasitəsilə həyata keçirilir.
“İndiyə qədər 30 nəfər vətəndaşımız Azərbaycan sərhədindən keçid edib. Ümumilikdə, bölgədə hava məkanının bağlı olduğunu nəzərə alaraq, hazırkı məqamda vətəndaşların genişmiqyaslı təxliyyəsi nəzərdə tutulmur”, – deyə A.Hacızadə əlavə edib.
