USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Antalya Diplomatiya Forumu başa çatdı – regionda sülh mesajları verildi
Antalya Diplomatiya Forumu yekunlaşıb. Türkiyənin xarici işlər naziri Hakan Fidan forumun bağlanışında çıxış edərək regionda sülh və əməkdaşlıq məsələlərinə toxunub.
Nazir bildirib ki, Cənubi Qafqazda sülhün təmin olunması istiqamətində intensiv fəaliyyət aparılır və bu proses Orta Dəhliz layihəsinin reallaşması baxımından mühüm əhəmiyyət daşıyır. Onun sözlərinə görə, bölgədə sabitlik bu strateji marşrutun təhlükəsizliyi üçün əsas şərtlərdən biridir.
Hakan Fidan həmçinin vurğulayıb ki, Zəngəzur dəhlizi Türkiyə üçün xüsusi əhəmiyyət kəsb edir və bu istiqamətdə Avropa İttifaqı ilə də əməkdaşlıq aparılır.
Nazir qeyd edib ki, Azərbaycan və Ermənistan arasında sülh sazişinin imzalanması region ölkələrinin inkişafına ciddi təkan verəcək və tərəflər bu məqsədə yaxınlaşır.
Qeyd edək ki, forum Rəcəb Tayyib Ərdoğanın himayəsi və Türkiyə Xarici İşlər Nazirliyinin təşkilatçılığı ilə “Gələcəyi planlaşdırarkən qeyri-müəyyənliklərin öhdəsindən gəlmək” mövzusunda keçirilib.
