USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Prezident: Ukrayna ilə əməkdaşlığımızın çox güclü siyasi təməli var
İlham Əliyev Ukrayna ilə münasibətlərin yüksək səviyyədə inkişaf etdiyini bildirib.
Dövlət başçısı Volodimir Zelenski ilə birgə mətbuata bəyanatında qeyd edib ki, 2023-cü ilin yanvarında Kiyevə səfəri zamanı aparılan müzakirələr və sonrakı təmaslar iki ölkə arasında əlaqələri daha da gücləndirib.
“Əməkdaşlığımızın çox güclü siyasi təməli vardır”, – deyə Prezident vurğulayıb.
Onun sözlərinə görə, Azərbaycan və Ukrayna bütün beynəlxalq təşkilatlarda bir-birinin suverenliyini və ərazi bütövlüyünü dəstəkləyir və bu mövqe davam etdiriləcək.
Prezident həmçinin bildirib ki, tərəflər bir çox sahələrdə uğurla əməkdaşlıq edir. Xüsusilə energetika sahəsində əlaqələrin inkişaf etdiyini qeyd edən dövlət başçısı SOCAR-ın Ukraynada uzun illərdir uğurla fəaliyyət göstərdiyini və bu istiqamətdə yeni layihələr üçün geniş perspektivlərin mövcud olduğunu vurğulayıb.
