USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Quterreş Azərbaycana dəstək verdi: “BMT çoxtərəfli əməkdaşlığa sadiqliyi yüksək qiymətləndirir”
BMT Azərbaycanın çoxtərəfli əməkdaşlığa və beynəlxalq tərəfdaşlığa verdiyi töhfələri yüksək qiymətləndirir.
Bu barədə BMT-nin Baş katibi Antonio Quterreşin Qlobal Cənub QHT Platformasının (Global South NGO Platform – GSNP) I Baş Assambleyasına ünvanladığı müraciətdə bildirilib. Müraciəti BMT-nin Azərbaycandakı müvəqqəti rezident-əlaqələndiricisi İqor Qarafuliç səsləndirib.
Quterreş qeyd edib ki, BMT Azərbaycanın çoxtərəfliliyə, beynəlxalq əməkdaşlığa və qlobal səviyyədə inklüziv qarşılıqlı fəaliyyətin təşviqinə dəyişməz sadiqliyini yüksək qiymətləndirir.
Baş katibin sözlərinə görə, Qlobal Cənub QHT Platforması inkişaf etməkdə olan ölkələr arasında həmrəyliyin, dialoqun və tərəfdaşlığın gücləndirilməsi baxımından mühüm mexanizm rolunu oynayır.
Müraciətdə vurğulanıb ki, belə təşəbbüslər qlobal çağırışların həllində beynəlxalq əməkdaşlığın genişlənməsinə və daha inklüziv dünya nizamının formalaşmasına töhfə verir.
