USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Putin İlham Əliyevi təbrik edib
Rusiya Prezidenti Vladimir Putin Azərbaycan Prezidenti İlham Əliyevə təbrik məktubu ünvanlayıb.
Təbrikdə Vladimir Putin Azərbaycan Respublikasının Müstəqillik Günü münasibətilə İlham Əliyevə səmimi arzularını çatdırıb.
Məktubda Azərbaycanın son illərdə iqtisadi və sosial sahələrdə mühüm nailiyyətlər əldə etdiyi, beynəlxalq arenada nüfuz qazandığı vurğulanıb. Rusiya lideri iki ölkə arasında dostluq və müttəfiqlik münasibətlərinə xüsusi önəm verildiyini qeyd edib.
Vladimir Putin bildirib ki, müxtəlif sahələrdə əməkdaşlığın və regional, eləcə də beynəlxalq məsələlərdə tərəfdaşlığın birgə səylərlə daha da inkişaf etdirilməsi mümkündür. Onun sözlərinə görə, bu əməkdaşlıq həm Rusiya, həm də Azərbaycan xalqlarının maraqlarına cavab verir və regionda təhlükəsizlik və sabitliyin möhkəmlənməsinə xidmət edir.
Sonda Rusiya Prezidenti İlham Əliyevə cansağlığı və uğurlar, Azərbaycan xalqına isə rifah və tərəqqi arzulayıb.
