USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Azərbaycan və Mikroneziya arasında diplomatik əlaqələr qurulub
Azərbaycan Respublikası ilə Mikroneziya Federativ Ştatları arasında diplomatik əlaqələr təsis edilib.
Bu barədə Azərbaycan Xarici İşlər Nazirliyi məlumat yayıb.
Məlumata görə, iki ölkə arasında diplomatik münasibətlərin qurulmasına dair Birgə Kommünike Nyu-York şəhərində imzalanıb. Sənədi Azərbaycanın BMT yanında daimi nümayəndəsi Tofiq Musayev və Mikroneziyanın BMT yanında daimi nümayəndəsi Cim Lipve imzalayıblar.
Birgə Kommünikedə Azərbaycan və Mikroneziya xalqları arasında qarşılıqlı anlaşmanın, dostluq münasibətlərinin və əməkdaşlığın inkişaf etdirilməsi niyyəti ifadə olunub.
Sənəddə tərəflərin diplomatik əlaqələrin qurulmasında Birləşmiş Millətlər Təşkilatı Nizamnaməsinin prinsiplərinə, beynəlxalq hüququn hamılıqla qəbul edilmiş norma və qaydalarına sadiq olduqları vurğulanıb. Xüsusilə dövlətlərin suverenliyi, ərazi bütövlüyü və daxili işlərinə qarışmamaq prinsiplərinin əsas götürüldüyü qeyd edilib.
Birgə Kommünikenin BMT-nin rəsmi sənədi kimi yayılması məqsədilə Birləşmiş Millətlər Təşkilatı Baş katibinə müvafiq məktub da göndərilib.
Beləliklə, Azərbaycan və Mikroneziya arasında siyasi-diplomatik münasibətlərin əsası qoyulub və gələcək əməkdaşlıq üçün yeni imkanlar açılıb.
