USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Azərbaycan, Türkiyə və Gürcüstan xüsusi təyinatlıları birgə təlimə başlayıb
Azərbaycan, Türkiyə və Gürcüstan hərbçilərinin iştirakı ilə “Qafqaz Qartalı - 2026” birgə taktiki-xüsusi təliminin açılış mərasimi keçirilib.
Təlim Gürcüstanın paytaxtı Tbilisi yaxınlığında yerləşən Muxrovani hərbi bazasında təşkil olunub.
Açılış mərasimində Azərbaycanın Gürcüstandakı səfiri Faiq Quliyev, hərbi attaşelik aparatının nümayəndələri, eləcə də üç ölkədən yüksək vəzifəli hərbi və diplomatik şəxslər iştirak ediblər.
Mərasim zamanı Azərbaycan, Türkiyə və Gürcüstanın müstəqilliyi və suverenliyi uğrunda həyatını itirmiş hərbçilərin xatirəsi bir dəqiqəlik sükutla yad edilib, ölkələrin dövlət himnləri səsləndirilib və bayraqlar qaldırılıb.
Çıxış edən nümayəndələr bildiriblər ki, bu cür birgə təlimlər hərbi bölmələr arasında koordinasiyanın artırılması, təcrübə mübadiləsi və qarşılıqlı fəaliyyət imkanlarının genişləndirilməsi baxımından mühüm əhəmiyyət daşıyır.
“Qafqaz Qartalı - 2026” təliminin əsas məqsədi Azərbaycan, Türkiyə və Gürcüstan arasında təhlükəsizlik və müdafiə sahəsində əməkdaşlığın gücləndirilməsi, xüsusi təyinatlı bölmələrin hazırlıq səviyyəsinin artırılmasıdır.
Təlim çərçivəsində iştirakçı qüvvələrin müxtəlif taktiki tapşırıqların icrası, birgə əməliyyatların planlaşdırılması və praktiki bacarıqların təkmilləşdirilməsi üzrə fəaliyyət göstərəcəyi bildirilir.
