"İndi vətəndaş müharibəsi təhlükəsi var, pis səlahiyyətlilər, diktatorlar var, onlardan qurtulmaq asandır, ən təhlükəli şey vətəndaş müharibələridir".

Bunu Ermənistanın ilk prezidenti Levon Ter-Petrosyan İctimai Televiziyaya verdiyi müsahibəsində bildirib.

“Paşinyan və Köçəryanın tərəfdarları az qala döyüşə döndülər, bu dərinləşməyə davam edəcək. Qorxuram ki, bu seçkilər vətəndaş müharibəsi olmasa da, döyüşlərə çevrilə bilər. Hər iki tərəf də ölüm-dirim məsələsinə qərar verib" - deyə Petrosyan bildirib.

Onun sözlərinə görə, Serj Sarqsyanın ən böyük səhvi parlament idarəetmə formasına keçid idi:

“Bu, dəhşətli bir şeydir... Bu seçkilərin necə sona çatacağına dair üç seçim var - ya Paşinyan, ya da Köçəryan qalib gələcək, ya da başqası, bu da mümkün deyil. Və daha pis bir variant var - heç kim qalib gəlməyəcək və rəngarəng parlament sisteminə girəcəyik”.