USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Həbsdə olan məşhur tiktokerlər ev dustaqlığına buraxıldı
Bir müddət əvvəl polis tərəfindən saxlanılan və sosial şəbəkələrdə tanınan üç tiktoker – “Vaqa” ləqəbli Vüqar Zeynalzadə, “Tosu” ləqəbli Məhərrəm Həsənov və Emin Abdullayev ev dustaqlığına buraxılıb.
Məlumata görə, Vüqar Zeynalzadə və Məhərrəm Həsənov Azərbaycan Respublikası Cinayət Məcəlləsinin 234.1-1-ci maddəsi (satış məqsədi olmadan külli miqdarda qanunsuz narkotik vasitələr və ya psixotrop maddələri saxlama və ya daşıma) ilə təqsirləndirilirlər.
Emin Abdullayev isə Cinayət Məcəlləsinin 193-1.3.2-ci (mütəşəkkil dəstə tərəfindən cinayət yolu ilə əldə edilmiş xeyli miqdarda əmlakı leqallaşdırma) və 244-1.2.2-ci (qumar oyunu təşkil etmə) maddələri ilə məsuliyyətə cəlb olunub.
Onların barəsində daha əvvəl seçilmiş həbs qətimkan tədbiri dəyişdirilərək ev dustaqlığı ilə əvəz edilib.
Qeyd edək ki, adıçəkilən şəxslər sosial şəbəkələrdə əyləncəli videoları ilə tanınıblar və minlərlə izləyiciləri var.
