USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Gələn ildən vətəndaşlara daha çox ƏDV qaytarılacaq
Vergi Məcəlləsinə ediləcək yeni dəyişikliklər gələn ildən “ƏDV geri al” mexanizminin genişləndirilməsini nəzərdə tutur. Bu barədə iqtisadçı deputat Vüqar Bayramov məlumat verib. Qanun layihəsi artıq Milli Məclisin İqtisadi siyasət, sənaye və sahibkarlıq komitəsi tərəfindən dəstəklənib və plenar iclasa çıxarılacaq.
Nə dəyişəcək?
Yeni dəyişikliklərə əsasən:
• Bərbərxana
• Gözəllik salonu
• Kosmetoloji mərkəzlər
kimi xidmətlərə görə ödənilən ƏDV-nin bir hissəsi də vətəndaşlara geri qaytarılacaq.
Bu isə həmin xidmətlərdən istifadə edən vətəndaşların xərclədikləri məbləğin bir qismini geri almaq imkanı deməkdir.
Dəyişikliyin məqsədi
Deputatın sözlərinə görə, bu addım aşağıdakı hədəflərə xidmət edir:
• Şəffaflığın artırılması
• Nağdsız ödənişlərin stimullaşdırılması
• Xidmət sektorunun “ağarması” prosesinin sürətləndirilməsi
• İstehlakçıların maliyyə yükünün azaldılması
Yeni mexanizm həm xidmət sahəsində qeydiyyatdan yayınma hallarını azaldacaq, həm də vətəndaşlara əlavə maliyyə dəstəyi verəcək.
