USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
“Bakı Metropoliteni” işçilərin kütləvi ixtisarı ilə bağlı yayılan məlumatlara aydınlıq gətirdi
“Bakı Metropoliteni” QSC-də əməkdaşların kütləvi şəkildə ixtisar edilməsi barədə yayılan iddialara qurumdan rəsmi cavab verilib. Şirkətin açıqlamasında bildirilib ki, məcburi ixtisarlarla bağlı yayılan məlumatlar həqiqəti əks etdirmir.
Qeyd olunub ki, metropolitenin daxili səmərəlilik qiymətləndirilməsi çərçivəsində təmizlik və yaşıllaşdırma kimi əsas əməliyyat fəaliyyətinə aid olmayan xidmətlərin ixtisaslaşmış şirkətlərə ötürülməsi daha məqsədəuyğun sayılıb. Bununla metroda əməliyyat səmərəliliyinin artırılması və resursların əsasən sərnişindaşıma təhlükəsizliyi istiqamətinə yönəldilməsi hədəflənir.
Qurumun məlumatına görə, sözügedən xidmətlərin fəaliyyətinin dayandırılmasından sonra həmin sahələrdə çalışan işçilərin əmək münasibətlərinin davamlılığının təmin edilməsi üçün bir neçə seçim təklif edilib:
• Yeni xidmətləri həyata keçirəcək ixtisaslaşmış şirkətlərdə işlə təmin olunmaq;
• “Bakı Metropoliteni” QSC-də mövcud digər vakant vəzifələr üzrə alternativ iş təklifləri;
• Qanunvericiliyin müəyyən etdiyi hallarda müvafiq kompensasiya və müavinətlərin ödənilməsi.
“Bakı Metropoliteni” vurğulayıb ki, bütün proses əmək qanunvericiliyinə uyğun şəkildə aparılır və işçilərin hüquqlarının qorunması diqqətdə saxlanılır.
