USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
İranda fəal Nərgiz Məhəmmədi həbs edildi
İranlı insan haqları müdafiəçisi və 2023-cü il Nobel Sülh Mükafatı laureatı Nərgiz Məhəmmədi yeddi ildən çox müddətə azadlıqdan məhrum edilib.
Bu barədə onun vəkili Mustafa Nili məlumat yayıb. Bildirilib ki, hökm fevralın 7-də Məşhəd şəhər məhkəməsi tərəfindən çıxarılıb.
Məlumata görə, Nərgiz Məhəmmədi “toplaşmaq və sui-qəsd” ittihamı ilə 6 il, “təbliğat fəaliyyəti” ittihamı ilə isə 1 il 6 ay müddətinə həbs cəzasına məhkum olunub. Bundan əlavə, ona 2 il müddətinə ölkədən çıxış qadağası qoyulub.
Vəkilin sözlərinə görə, Məhəmmədi həmçinin Tehrandan təxminən 740 kilometr cənub-şərqdə yerləşən Hosf şəhərinə göndərilməklə 2 il daxili sürgün cəzası da alıb.
Tərəfdarları bildirirlər ki, dekabr ayında keçirilən etiraz aksiyası zamanı saxlanılan fəal fevralın 2-dən etibarən aclıq aksiyası keçirir.
Qeyd edək ki, Nərgiz Məhəmmədi uzun illərdir İranda insan haqları sahəsində fəaliyyəti ilə tanınır və dəfələrlə həbs olunub.
