USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
DİN: Bir gündə 57 şübhəli saxlanılıb, onlarla cinayət açılıb
Azərbaycanda polis əməkdaşlarının keçirdiyi əməliyyat tədbirləri nəticəsində cinayətkarlıqla mübarizə sahəsində növbəti nəticələr əldə olunub.
Daxili İşlər Nazirliyinin Mətbuat xidmətindən verilən məlumata görə, aprelin 17-də ölkə ərazisində qeydə alınan 52, əvvəlki dövrlərdən bağlı qalan 1 cinayətin açılması təmin edilib.
Bildirilib ki, axtarışda olan ümumilikdə 115 nəfər saxlanılıb. Onlardan 85-i borclu şəxs, 7-si itkin düşmüş kimi axtarılan, 8-i isə dələduzluq ittihamı ilə axtarışda olan şəxslərdir.
Eyni zamanda, narkotiklərlə bağlı 29 fakt müəyyən edilib. Qanunsuz saxlanılan silah-sursatın aşkarlanması üzrə keçirilən tədbirlər zamanı isə 2 avtomat silahı, 3 qumbara, 4 patron darağı və 120 ədəd müxtəlif çaplı patron götürülüb.
Bundan əlavə, cinayət törətməkdə şübhəli bilinən 57 nəfər saxlanılaraq istintaqa təhvil verilib.
