USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Gömrükdə 300 dollarlıq limit dəyişdiriləcək? – Rəsmi açıqlama
Xaricdən onlayn alış-veriş zamanı tətbiq edilən 300 dollarlıq limitin dəyişdirilməsi gündəmdə deyil.
Bu barədə Dövlət Gömrük Komitəsinin sədri Şahin Bağırov Milli Məclisin İqtisadi siyasət, sənaye və sahibkarlıq komitəsinin iclasında bildirib.
Onun sözlərinə görə, Gömrük Məcəlləsinə təklif olunan dəyişikliklərdə bu limitin artırılması və ya azaldılması nəzərdə tutulmayıb.
Ş.Bağırov qeyd edib ki, hazırda Azərbaycanda elektron ticarətlə bağlı 300 dollarlıq güzəşt tətbiq olunur və bu sahədə fəaliyyət genişlənməkdədir: “Ölkədə təxminən 1 milyondan çox insan elektron ticarətlə məşğuldur, bəyannamələrin sayı isə 18 milyona çatır”.
Komitə sədri əlavə edib ki, bəzi vətəndaşlar xaricdən aldıqları məhsulları hissə-hissə və ya müxtəlif şəxslərin adına gətirməklə mövcud qaydalardan yan keçməyə çalışırlar.
O, həmçinin digər ölkələrlə müqayisəyə diqqət çəkərək bildirib ki, məsələn, Türkiyədə fevralın 1-dən bu sahədə güzəştlər ləğv olunub, lakin Azərbaycanda 300 dollarlıq limit hələ də qüvvədə qalır.
