USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Məhkəmə Muaytay Federasiyası ilə bağlı iddiaları rədd etdi
Azərbaycan Muaytay Federasiyasının 1 may 2026-cı il tarixində keçirilmiş konfransının qərarlarının ləğvi ilə bağlı məhkəmə prosesi yekunlaşıb.
İddiaçı Araz Musayev tərəfindən əvvəlcə Yasamal Rayon Məhkəməsinə, daha sonra Apellyasiya Məhkəməsinə təqdim olunan şikayətlər təmin edilməyərək rədd olunub.
Bununla yanaşı, iş üzrə Ali Məhkəməyə verilən kassasiya şikayəti də qəbul edilməyib. Beləliklə, federasiyanın sözügedən konfransının və həmin tarixdə keçirilmiş seçkilərin qanuni olduğu son məhkəmə instansiyası tərəfindən də təsdiqlənib.
Qərardan sonra Azər Həsənsoy və onun komandası rəsmi olaraq tanınıb.
Məsələ ilə bağlı açıqlama verən Araz Musayev isə keçirilən iclasın legitimliyinə şübhə ilə yanaşdığını bildirib. Onun sözlərinə görə, iclas onlayn formatda təşkil olunub, yetərsay təmin edilməyib və iştirakçıların böyük hissəsi federasiya ilə əlaqəli olmayıb.
Musayev həmçinin qeyd edib ki, prosesin şəffaflığı və qərarların qəbul edilmə şəraiti ilə bağlı suallar qalmaqdadır.
