USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Kollektor üzərində tikilən evlərin sökülməsi gündəmdədir
Bakının Xətai rayonunda kollektor üzərində tikildiyi bildirilən evlərin sökülməsi məsələsi gündəmə gəlib.
NZS qəsəbəsində bir evin çökməsi ilə nəticələnən hadisədən sonra Əlincə və Rəşid Bağırov küçələrində araşdırmalar aparılıb. Sakinlərin sözlərinə görə, həmin ərazilərdə yerləşən və su kollektorunun üzərində tikilmiş 30-dan çox evin sökülməsi ilə bağlı onlara bildiriş təqdim edilib.
Sakinlər bildirirlər ki, bu evlər illər əvvəl inşa olunub və bəzi ev sahibləri mənzilləri sonradan aldıqları üçün kollektor üzərində tikildiyindən xəbərsiz olublar.
Məsələ ilə bağlı Xətai Rayon İcra Hakimiyyətindən bildirilib ki, hazırda aidiyyəti qurumlarla birlikdə araşdırma aparılır. Qeyd olunub ki, yekun qərar aparılan araşdırmaların nəticəsindən sonra açıqlanacaq.
