USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Almaniya Ukraynaya yeni “IRIS-T” hava hücumundan müdafiə sistemi verib
Ukrayna Prezidenti Volodymyr Zelenskyy Almaniyanın Ukraynaya yeni “IRIS-T” zenit-raket kompleksinin buraxılış qurğusunu təhvil verdiyini açıqlayıb.
Zelenski sosial şəbəkə hesablarında paylaşdığı məlumatda Almaniyaya göstərdiyi dəstəyə görə təşəkkür edib.
“Dünən biz yeni “IRIS-T” buraxılış qurğusunu qəbul etdik. İnsanların müdafiəsinə verdiyi davamlı töhfəyə görə Almaniyaya təşəkkür edirik. Məhz belə güclü dəstək sayəsində minlərlə insanın həyatını qorumaq mümkün olub. Lakin Rusiyanın hücumlarını dəf etmək üçün kifayət qədər imkanlara malik olmaq məqsədilə hava hücumundan müdafiə sistemləri üçün daha çox raketə ehtiyacımız var”, – deyə Zelenski bildirib.
Qeyd edək ki, IRIS-T təyyarələr, helikopterlər, pilotsuz uçuş aparatları və qanadlı raketlər kimi hava hədəflərini məhv etmək üçün nəzərdə tutulmuş müasir hava hücumundan müdafiə kompleksidir.
Sistem Almaniyanın Diehl Defense tərəfindən istehsal olunur və Ukraynanın hava məkanının müdafiəsində mühüm rol oynayan vasitələrdən biri hesab edilir.
