USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Əli Kərimli Baş Prokurorluğa müraciət edəcək
Azərbaycan Xalq Cəbhəsi Partiyasının (AXCP) sədri Əli Kərimli beynəlxalq tədbirdə iştirak edə bilmək üçün Baş Prokurorluğa müraciət etməyi planlaşdırır.
AXCP sədrinin sözlərinə görə, o, 29-30 sentyabr tarixlərində keçiriləcək Varşava Təhlükəsizlik Forumuna dəvət alıb. Lakin uzun illərdir pasport ala bilmədiyi üçün xarici səfərlərə çıxışı məhdudlaşdırılıb.
“20 ilə yaxındır hakimiyyət mənə pasport vermir və xarici ölkə səfərlərimə qadağa qoyulub. 29-30 sentyabr tarixində baş tutacaq Forumda iştirak etmək üçün Baş Prokurorluğa bir daha müraciət edib pasport almaq üçün yenidən təşəbbüs göstərəcəyəm”, – Əli Kərimli bildirib.
Qeyd edək ki, AXCP sədri daha əvvəl də dəfələrlə beynəlxalq tədbirlərə dəvət almasına baxmayaraq, pasport məhdudiyyəti səbəbindən iştirak edə bilmədiyini açıqlayıb.
