USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Tural Sadıqlının əmisinə hökm oxunub
Almaniyada yaşayan tənqidçi bloger Tural Sadıqlının həbsdə olan əmisi Elmir Sadıqov barəsində məhkəmə hökmü elan olunub.
Oktyabrın 1-də Sabunçu Rayon Məhkəməsində hakim Samirə Məmmədlinin sədrliyi ilə keçirilən iclasda E. Sadıqov 2 il 6 ay müddətinə azadlıqdan məhrumetmə cəzasına məhkum edilib.
O, Cinayət Məcəlləsinin 228.1-ci maddəsi (qanunsuz silah-sursat saxlama) ilə təqsirli bilinib. İttihama görə, bu ilin aprel ayında saxlanılan E. Sadıqovun maşınından əl qumbarası tapıldığı iddia olunur.
Məhkəmədə çıxış edən qardaşı Əlövsət Sadıqlı bildirib ki, Elmir Sadıqova son sözə hazırlaşmaq üçün cəmi bir gün vaxt verilib və o, kifayət qədər hazır olmadığını deyib. Hakimlər isə hökmü 2-3 dəqiqəlik müşavirədən sonra elan ediblər.
Ə. Sadıqlı həmçinin qərarı “siyasi sifariş” adlandırıb və qardaşının məhz Tural Sadıqlının əmisi olduğuna görə həbs edildiyini bildirib.
